Philippine Controversies Revisited

MILAGRO SA AGOO? Ngayong Sept. 8, sa pagdiriwang ng Kapanganakan ng Mahal na Birheng Maria, ating balikan ang isa sa pinakamalaking kontrobersya noon sa Simbahang Katolika… ang tinatawag na Milagro ng Agoo. Noong 1989, sa Agoo, La Union, isang nagpakilalang visionary na si Judiel Nieva ang nagsabing nagpakita raw sa kanya ang Birheng Maria sa isang burol. At nang minsang tumanggap daw ito ng Communion, ang ostiya sa kanyang bibig… naging dugo?! Sinundan pa ito ng mga ulat tungkol sa dancing sun at pagluha diumano ng dugo ng imahen ng Birheng Maria! Pero paano kung ang mismong Simbahang pinagmulan ng kanilang pananampalataya ay nagsabing… walang himala?! Kumusta na nga ba si Judiel Nieva ngayon at ano nga ba ang nangyari sa tinaguriang Milagro sa Agoo? Hosted on Acast. See acast.com/privacy for more information.

Noong July 13, 1991, habang pauwi sina Maureen Hultman, Roland John Chapman, at Jussi Leino matapos ang isang night out, hinarang sila at binaril sa loob ng isang exclusive village sa Makati. Namatay si Roland sa pamamaril, habang nasugatan sina Maureen at Jussi. Kalaunan, pumanaw rin si Maureen. Ang pangunahing suspek... si Claudio Teehankee Jr., anak ng dating Supreme Court Chief Justice Claudio Teehankee Sr. Ang kaso, nagbukas ng mga usapin tungkol sa impluwensiya, pribilehiyo, at kung pantay ba ang pagpapatupad ng batas. #PhilippineControversiesRevisited Hosted on Acast. See acast.com/privacy for more information.

Beauty queen. Actress. Comedienne. Isa siya sa may pinakamagagandang mukha sa Philippine showbiz noong '80s. Siya si Maria Teresa Carlson. Pero noong 1996, nagulat ang publiko nang ibinunyag ni Maria Teresa ang umano'y matinding pang-aabusong dinanas niya sa kamay ng kanyang asawa, si Rodolfo "Rudy" Fariñas Sr. na noo'y gobernador ng Ilocos Norte. Mariing itinanggi ni Fariñas ang mga alegasyon. At ilang araw matapos nga ang kontrobersyal na panayam, binawi naman ni Maria Teresa ang kanyang mga pahayag. Makalipas ang limang taon, natagpuan siyang patay matapos umanong tumalon mula sa ika-23 palapag ng isang condominium sa San Juan. Ano nga ba ang totoong nangyari kay Maria Teresa Carlson? #PhilippineControversiesRevisited Hosted on Acast. See acast.com/privacy for more information.

Noong 2009, isang insidente ng road rage ang nauwi sa pamamaril na ikinasawi ng isang lalaki. Sinundan ito ng malawakang manhunt para sa suspek na si Jason Ivler. Si Jason... anak ni Marlene Aguilar, kapatid ng OPM icon na si Freddie Aguilar. Sa paglipas ng mga taon, ano na nga ba ang nangyari sa kaso? #PhilippineControversiesRevisited Hosted on Acast. See acast.com/privacy for more information.

Bago naging paboritong ulam at pulutan ng marami ang sisig, isang babae mula Angeles City, Pampanga ang nagpasikat ng bersyon ng pagkaing ito na nakilala sa buong bansa. Siya si Lucia “Aling Lucing” Cunanan, ang tinaguriang “Sisig Queen.” Pero noong April 16, 2008, brutal siyang pinaslang sa loob mismo ng kanilang tahanan at natagpuang tadtad ng saksak. 18 taon matapos ang pagpaslang sa Sisig Queen, may malinaw na bang sagot sa katanungang: Sino ang pumatay sa 'Sisig Queen'? #PhilippineControversiesRevisited Hosted on Acast. See acast.com/privacy for more information.

Sa pinakamalalaking passenger ferry sa Pilipinas noon ang MV Princess of the Stars. Pero noong June 21, 2008, ang sinapit nito… mala-Titanic. Lumubog ang barko sa kasagsagan ng Bagyong Frank habang naglalayag mula Maynila patungong Cebu. Sakay nito ang daan-daang pasahero at tripulante at iilan lamang ang nakaligtas. Bakit nga ba nauwi sa trahedya ang paglalayag ng MV Princess of the Stars? Gaano katotoo ang sinasabing may kinalaman dito ang tinatawag na “Romblon Triangle” kung saan mayroon daw misteryosong puwersa na nagpapalubog ng mga sasakyang pandagat? #PhilippineControversiesRevisited Hosted on Acast. See acast.com/privacy for more information.

TRANSPINAY, PINATAY NG AMERIKANONG SUNDALO Noong October 11, 2014, isang transgender woman ang natagpuang halos hubo’t hubad, may mga pasa sa katawan, at nakalublob ang ulo sa inidoro. Siya si Jennifer Laude. Ang pumatay sa kanya? Ang Amerikanong sundalong si Joseph Scott Pemberton. Ang kaso ni Laude, nagbukas ng usapin tungkol sa karapatan at proteksyon ng transgender community sa Pilipinas, pati na rin sa kasunduan at diplomatikong relasyon ng Pilipinas at Estados Unidos. Hosted on Acast. See acast.com/privacy for more information.

Sa tuwing may nababalitang brutal na krimen sa Pilipinas, may ilan na ang sentimyento ay ibalik ang death penalty. Pero alam n’yo ba na may panahon sa Pilipinas na isa itong realidad? Noong 1993, ibinalik ang parusang kamatayan para sa mga heinous crime, kabilang ang ilang kaso ng murder, rape, at plunder. At ang kaso ng kauna-unahang Pilipinong sumailalim sa lethal injection... tinutukan ng sambayanan. Siya si Leo Echegaray. Sa kabuuan, noong umiiral ang death penalty sa bansa, pitong katao ang binitay. Pero ang tanong, nasugpo ba nito ang kriminalidad sa bansa? #PhilippineControversiesRevisited Hosted on Acast. See acast.com/privacy for more information.

"TAKE IT! TAKE IT!" ’Yan ang iconic na linyang tumatak mula sa isa sa pinakamalaking award scandals sa kasaysayan ng Philippine showbiz, ang kontrobersya sa Gabi ng Parangal ng 1994 Manila Film Festival. Kung maaalala ang “Steve Harvey moment” sa Miss Universe 2015, kung saan maling winner ang inanunsyo, halos ganoon din ang nangyari rito. Pero sa 1994 Manila Film Festival, hindi ito simpleng pagkakamali, kundi isang umano’y planadong dayaan. Sina Ruffa Gutierrez at Gabby Concepcion ang unang inanunsyong Best Actress at Best Actor. Ngunit matapos ang seremonya, ibinunyag ng noo’y Manila Mayor Alfredo Lim na sina Aiko Melendez at Edu Manzano ang tunay na nanalo. Balikan ang eskandalong yumanig sa Philippine showbiz, ang 1994 Manila Film Festival scam. Balikan ang buong kuwento. Hosted on Acast. See acast.com/privacy for more information.

Hosted by Emil Sumangil, Philippine Controversies Revisited looks back at the biggest stories that shook the nation. From high-profile crimes and landmark events to mysteries that remain unsolved, each episode revisits the stories that once dominated headlines and explores what happened after the public moved on. Where do these cases stand today? What new developments came to light? And what lessons can we learn from these defining moments in Philippine history? Hosted on Acast. See acast.com/privacy for more information.